بیجنگ۔13مئی (اے پی پی):چین اور یورپ کے درمیان مال بردار ٹرینوں کی آمدورفت میں رواں سال کے پہلے چار ماہ کے دوران سالانہ بنیادوں پر دس فیصد اضافہ ہوا ہے۔شنہوا کے مطابق چائنا سٹیٹ ریلوے گروپ کمپنی لمیٹڈ (چائنا ریلوے) کی طرف سے پیر کوجاری بیان میں کہا گیا کہ چین۔یورپ مال بردار ٹرینوں نے 2024 میں جنوری تا اپریل 6,184 چکر لگائے۔
کمپنی کے مطابق، تقریباً 675,000 20 فٹ ایکویلنٹ یونٹ ( ٹی ای یو ) سامان مال بردار ٹرینوں کے ذریعے لے جایا گیا، جو گزشتہ سال کی اسی مدت کے مقابلے میں 11 فیصد زیادہ ہے۔چائنا ریلوے کے مطابق، اپریل کے آخر تک چین اور یورپ کے درمیان مال بردار ٹرینوں کے تقریباً 89,000 سفر مکمل ہو چکے ہیں، جو 25 یورپی ممالک کے 223 شہروں تک سروس فراہم کر رہے ہیں۔