اسلام آباد۔18مئی (اے پی پی):وفاقی دارالحکومت اسلام آباد میں واقع مارگلہ کی پہاڑیوں پر آتشزدگی پر قابو پالیا گیا ہے۔ چیئرمین سی ڈی اے وچیف کمشنر اسلام آباد محمد علی رندھاوا کی ہدایت پر کیپٹل ڈویلپمنٹ اتھارٹی (سی ڈی اے) کی ٹیموں نے بروقت اقدامات کرکے آگ پر قابو پایا۔
ترجمان سی ڈی اے کی جانب سے ہفتہ کو جاری بیان کے مطابق 150 سے زائد اہلکاروں نے فائر فائٹنگ آپریشن میں حصہ لیا۔ چیئرمین سی ڈی اے و چیف کمشنر اسلام آباد محمد علی رندھاوا نے فائر فائٹنگ آپریشن میں حصہ لینے والوں کو شاباش دی۔