اسلام آباد۔20مئی (اے پی پی):پاکستان میں ایران کے سفیر رضا امیری مغدم نے ایرانی صدر اور وزیر خارجہ کی ہیلی کاپٹر حادثے میں جاں بحق ہونے کی تصدیق کی ہے۔
پیر کو اسلام آباد میں ایرانی سفارتخانے سے جاری بیان کے مطابق ایرانی سفیر نے کہا کہ انتہائی افسردہ اور انتہائی غم کے ساتھ مجھے یہ اعلان کرنا پڑ رہا ہے کہ صدر سید ابراہیم رئیسی اور وزیر خارجہ حسین امیرعبداللہیان نے پڑوسی ملک کے ساتھ ترقیاتی منصوبے کا افتتاح کرنے کے مشن کے دوران ہیلی کاپٹر کے حادثے کے نتیجے میں شہادت کو گلے لگایا۔