لیما۔21مئی (اے پی پی):جنوبی امریکی ملک پیرو میں سڑک حادثے کے نتیجے میں 8 افراد ہلاک ہوگئے۔ شنہوا کے مطابق پیرو کے وسطی علاقے پاسکو میں ایک مسافر وین اور ٹریکٹر کے آپس میں ٹکرانے کے باعث کم از کم آٹھ افراد ہلاک ہو گئے۔
ہواریکا ضلع کے میئر مارٹن بیروسپی نے 8افراد کی اموات کی تصدیق کرتے ہوئے کہاکہ ان میں 3 طالب علم بھی شامل ہیں۔ انہوں نے کہا کہ حکام نے حادثے کی اصل وجوہات کا تعین کرنے کے لیے تحقیقات شروع کر دی ہیں۔