پاکستان نے انڈر 18 ہاکی ایشیا کپ کے سیمی فائنل میں ملائشیا کو شکست دے کر فائنل میں رسائی حاصل کر لی ہے۔
جمعے کو چین کے شہر ڈازھو میں کھیلے گئے ایونٹ کے سیمی فائنل میں ناقابل شکست پاکستان نے ملائشیا کو پنالٹی شوٹ آؤٹ پر تین کے مقابلے میں چار گول سے شکست دی۔
اس سے قبل سیمی فائنل میں پاکستان اور ملائیشیا تین، تین گول سے برابر رہے تھے۔
ملائشیا نے دو اور پاکستان نے ایک پنالٹی شوٹ ضائع کیں۔
انڈر 18 ہاکی ایشیا کپ کا فائنل پاکستان اور جاپان کے درمیان اتوار کو ہوگا۔
یاد رہے کہ بدھ کو چین کے شہر دازھو کے نیشنل ہاکی ٹریننگ سینٹر میں کھیلے گئے میچ میں پاکستان نے میزبان ٹیم کو شکست دے کر سیمی فائنل کے لیے کوالیفائی کیا تھا۔