نیو یارک کے میئر بننے کے ڈیموکریٹک امیدوار زہران ممدانی کا کہنا ہے کہ اگر وہ الیکشن جیت گئے تو اسرائیلی وزیراعظم نیتن یاہو کو نیویارک آنے پر گرفتار کرنے کا حکم دیں گے۔
ممدانی کا کہنا ہے کہ یہ اقدام دنیا کو یہ پیغام دے گا کہ نیویارک عالمی قوانین پر عمل کرتا ہے اور جنگی جرائم پر کسی کو استثنیٰ حاصل نہیں ہونا چاہیے۔
زہران ممدانی کے بیان نے امریکی سیاست میں ہلچل مچا دی ہے، صدر ڈونلڈ ٹرمپ نے ردعمل دیتے ہوئے کہا کہ ممدانی کے جیتنے کے امکانات روشن ہیں اور اگر وہ کامیاب ہوئے تو یہ عوامی بغاوت اور نظام سے بیزاری کا نتیجہ ہوگا۔
واضح رہے کہ نیویارک میں میئر کا انتخاب 4 نومبر کو ہوگا جس میں زہران ممدانی کا مقابلہ ریپبلکن امیدوار کرٹیس سیلوا، سابق گورنر اینڈریو کومو اور موجودہ میئر ایرک ایڈمز سے ہوگا۔