امریکی صدر ڈونلڈ ٹرمپ نے کہا ہے کہ قطر امریکا کا قریبی اور مضبوط اتحادی ہے اس لیے اسرائیل کو قطر کے معاملے میں انتہائی محتاط رویہ اپنانا ہوگاواشنگٹن میں صحافیوں سے گفتگو کرتے ہوئے صدر ٹرمپ نے کہا کہ قطر کے ساتھ امریکا کے خاص تعلقات ہیں اور امیر قطر ایک عظیم رہنما ہیں۔
ایک صحافی نے ٹرمپ سے سوال کیا کہ قطر پر اسرائیلی حملوں کے تناظر میں وہ اسرائیلی وزیراعظم نیتن یاہو کو کیا پیغام دینا چاہتے ہیں؟ جس پر انہوں نے کہا کہ اسرائیل کو محتاط رہنا چاہیے، انہیں حماس کے خلاف اقدامات ضرور کرنے ہیں لیکن قطر امریکا کا اہم اتحادی ہے جسے اکثر لوگ نظر انداز کرتے ہیں۔
روس پر پابندیوں کے حوالے سے بات کرتے ہوئے صدر ٹرمپ نے کہا کہ امریکا مزید اقدامات کے لیے تیار ہے اور یورپ کو بھی امریکا کی پالیسی پر عمل کرنا ہوگا۔ ان کا کہنا تھا کہ یورپی ممالک روس سے بڑی مقدار میں تیل خرید رہے ہیں اور امریکا نہیں چاہتا کہ یورپ روسی تیل پر انحصار کرے۔
صدر ٹرمپ نے مزید کہا کہ بھارت پر بھی روس سے تیل کی خریداری کے معاملے پر بھاری ٹیرف عائد کیا گیا ہے۔