اسلام آباد ہائیکورٹ نے چیئرمین پاکستان ٹیلی کمیونیکیشن اتھارٹی حفیظ الرحمٰن کو عہدے سے ہٹانے کا حکم دے دیا۔
جسٹس بابر ستار نے چیئرمین پی ٹی اے کی تعیناتی کے خلاف دائر درخواست پر 99 صفحات پر مشتمل محفوظ فیصلہ سنادیا۔ عدالت نے قرار دیا کہ چیئرمین پی ٹی اے کی تعیناتی قانونی طور پر درست نہیں ہے لہٰذا انہیں فوری طور پر عہدے سے ہٹایا جائے۔
فیصلے میں مزید کہا گیا کہ پی ٹی اے میں سینئر ممبر کو عارضی طور پر چیئرمین تعینات کیا جائے تاکہ ادارے کا کام متاثر نہ ہو۔