امریکا نے ایران کے مالیاتی نیٹ ورک کے خلاف نئی پابندیوں کا اعلان کر دیا۔ امریکی محکمہ خزانہ کی جانب سے جاری پریس ریلیز کے مطابق ایران سے منسلک کئی شخصیات اور کمپنیوں کو بلیک لسٹ کیا گیا ہے۔
بیان میں کہا گیا کہ ان میں وہ ادارے اور شخصیات شامل ہیں جو ایرانی فوج کو مالی معاونت فراہم کرتے ہیں جبکہ ہانگ کانگ اور متحدہ عرب امارات میں سرگرم 12 سے زائد کمپنیاں بھی اس فہرست کا حصہ ہیں۔ ان پر الزام ہے کہ انہوں نے ایرانی تیل کی فروخت سے حاصل ہونے والی تقریباً 10 کروڑ ڈالر مالیت کی کرپٹو کرنسی کی منتقلی میں کردار ادا کیا جو کہ براہ راست ایران کی حکومت اور فوج کے لیے استعمال ہوئی۔
امریکی حکام کے مطابق اب ان افراد اور کمپنیوں کے ساتھ کسی امریکی شہری یا کمپنی کو تجارتی تعلق قائم کرنے کی اجازت نہیں ہوگی۔