کسان اتحاد بلوچستان کے چیئرمین خالد حسین باٹھ کا کہنا ہے کہ بلوچستان کے بیشتر زمیندار پینے کے پانی سے محروم ہیں جبکہ نصیر آباد میں زمینداروں کے خلاف مقدمات درج کیے گئے ہیں۔ انہوں نے کہا کہ اگر یہ مقدمات دس روز میں واپس نہ لیے گئے تو کسان برادری احتجاج کرے گی۔
کسان رہنما نے صوبے کے زرعی مسائل کی جانب توجہ دلاتے ہوئے کہا کہ گندم کی فراہمی ڈی ریگولیشن کے باوجود ممکن نہیں ہو سکی اور حکومتیں اس ناکامی کو آئی ایم ایف کے دباؤ کا نتیجہ قرار دے رہی ہیں۔
انہوں نے مزید کہا کہ حالیہ سیلاب نے لاکھوں ایکڑ پر کھڑی فصلیں تباہ کر دی ہیں لیکن آج تک زمینداروں کو سولر سسٹمز فراہم نہیں کیے گئے۔ کسان رہنما نے مطالبہ کیا کہ حکومت فوری طور پر کسان تنظیموں کو اعتماد میں لے کر ان کے مسائل حل کرے تاکہ زراعت کا شعبہ موجودہ بحران سے نکل سکے۔