امریکی صدر ڈونلڈ ٹرمپ کا کہنا ہے کہ انہیں اطلاع ملی ہے کہ پاکستان اور افغانستان کے درمیان جنگ جاری ہے اس معاملے کو اسرائیل کے دورے سے واپس آ کر دیکھو گا۔
صدر ٹرمپ نے یہ بات ایئر فورس ون میں صحافیوں سے گفتگو کے دوران کہی جب وہ اسرائیل کے اپنے دورے کے لیے روانہ ہو رہے تھے۔ انہوں نے کہا کہ وہ ماضی میں کئی تنازعات ختم کر چکے ہیں اور اس بار بھی کشیدگی کم کرنے کی ایک اور کوشش کریں گے۔
ٹرمپ نے کہا کہ جنگیں ختم کرانے میں ماہر ہوں اور پاکستان اور بھارت کے درمیان کشیدگی کو بھی ٹیرف کی دھمکی سے جلدی مؤثر انداز میں روکا تھا جس کے باعث لاکھوں جانیں بچیں۔ ٹرمپ نے مزید کہا کہ ان کا مقصد نوبل انعام حاصل کرنا نہیں بلکہ انسانوں کی جانیں بچانا ہے۔
غزہ کے حوالے سے صدر ٹرمپ نے کہا کہ وہاں کی جنگ ختم ہو گئی ہے اور جنگ بندی برقرار رہنے کی امید ہے۔ انہوں نے اعلان کیا کہ غزہ کے لیے بورڈ آف پیس جلد قائم کیا جائے گا اور یرغمالیوں کی رہائی مقررہ وقت سے پہلے ممکن ہے۔