محکمہ موسمیات نے بحیرہ عرب میں بننے والے ڈپریشن سے متعلق نوٹیفیکیشن جاری کردیا۔
محکمہ موسمیات کے مطابق بحیرہ عرب کے جنوب مشرق میں ہوا کا کم دباؤ ڈپریشن میں تبدیل ہو رہا ہے، ڈپریشن کا مرکز 8.6 شمالی عرض البلد اور 67.6 مشرقی طول البلد پر واقع ہے۔
نظام کراچی سے تقریباً 1800 کلومیٹر جنوب مشرق میں موجود ہے اور آئندہ 24 گھنٹوں میں ڈپریشن کے شمال مغرب کی سمت بڑھنے کا امکان ہے۔
پی ایم ڈی کے مطابق پاکستان کے کسی ساحلی علاقے کو فی الحال کوئی خطرہ نہیں، سائیکلون وارننگ سینٹر کراچی صورتحال کی مسلسل نگرانی کر رہا ہے، متعلقہ اداروں کو باقاعدگی سے آگاہ رکھا جا رہا ہے۔