ثانوی تعلیمی بورڈ کراچی نے پہلے سالانہ امتحانات 2025 جماعت نہم سائنس و جنرل گروپ ریگولر اور پرائیویٹ کے نتائج کا اعلان کر دیا ہے۔
چیئرمین بورڈ غلام حسین سوہو نے بتایا کہ یہ نتائج بورڈ کی آفیشل ویب سائٹ www.bsek.edu.pk پر دیکھے جاسکتے ہیں, انہوں نے کہا کہ نتائج میں شفافیت ہماری اولین ترجیحات میں شامل ہے، انہوں نے تمام پرچوں میں کامیاب طلباء و طالبات کو مبارکباد دی۔ اس موقع پر ناظم امتحانات ڈاکٹر حمزو خان تگڑ اور رزلٹ کمیٹی کے ممبران بھی موجود تھے۔
سائنس گروپ میں ایک لاکھ 77ہزار 660 طلباء و طالبات رجسٹرڈ ہوئے جن میں سے ایک لاکھ 75 ہزار 511 طلباء وطالبات امتحانات میں شریک ہوئے، غیر حاضر طلباء و طالبات کی تعداد 2 ہزار 149 رہی۔
تمام پرچوں میں کامیاب طلباء و طالبات کی تعداد ایک لاکھ 37 ہزار 350 رہی، چھ پرچوں میں 18ہزار 185، پانچ پرچوں میں 7 ہزار 690، چار پرچوں میں 4 ہزار 398، تین پرچوں میں 2 ہزار 462، دو پرچوں میں 1 ہزار 338 اور ایک پرچے میں 1 ہزار 375 امیدواروں نے کامیابی حاصل کی اور کامیابی کا تناسب 78.26 فیصد رہا۔
اسی طرح جنرل گروپ ریگولر اور پرائیویٹ میں 15 ہزار 954 امیدواروں نے رجسٹریشن کرائی، 14 ہزار 984 امیدوار امتحانات میں شریک ہوئے جبکہ 970 امیدوار غیر حاضر رہے۔
جنرل گروپ ریگولر میں 5 پرچوں میں 5 ہزار 886،چھ پرچوں میں 2 ہزار 204، پانچ پرچوں میں 986، چار پرچوں میں 512، تین پرچوں میں 292۔ دو پرچوں میں 166 اور ایک پرچے میں 148 امیدواروں نے کامیابی حاصل کی اور کامیابی کا تناسب 57.17 فیصد رہا۔
علاوہ ازیں پرائیویٹ جنرل گروپ میں 5 ہزار 46 امیدواروں نے رجسٹریشن کرائی،4 ہزار 689 امیدوار امتحانات میں شریک ہوئے جبکہ 357 امیدوار غیر حاضر رہے۔
پرائیویٹ جنرل کے ساتوں پرچوں میں 2 ہزار 263،چھ پرچوں میں 1 ہزار 126،پانچ پرچوں میں 539، چار پرچوں میں 309،تین پرچوں میں 166، دو پرچوں میں 90 اور ایک پرچے میں 114 امیدواروں نے کامیابی حاصل کی۔ پرائیویٹ جنرل گروپ میں بھی ساتوں پرچوں میں کامیابی کا تناسب 48.26 فیصد رہا۔ جنرل گروپ ریگولر اور پرائیویٹ میں کامیابی کا تناسب 54.38 فیصد رہا۔