کراچی کے علاقے نشتر روڈ پر ایک افسوسناک حادثے میں تیز رفتار ڈمپر کی ٹکر سے نوجوان شاہزیب جاں بحق اور اس کی اہلیہ زخمی ہوگئیں۔
حادثے کے بعد علاقے میں شدید کشیدگی پھیل گئی مشتعل شہریوں نے ڈمپر کو نذرِ آتش کردیا جبکہ ڈرائیور کو موقع سے فرار ہونے کے دوران پولیس نے گرفتار کرلیا۔
پولیس کے مطابق جاں بحق نوجوان شاہزیب گارڈن کا رہائشی تھا اور چار ماہ قبل ہی شادی ہوئی تھی۔ شاہزیب کی اہلیہ کو معمولی چوٹیں آئیں۔
گرفتار ڈرائیور کی شناخت نیاز حسین کے نام سے ہوئی ہے اور اسے گارڈن تھانے منتقل کر کے تفتیش شروع کر دی گئی ہے۔