عالمی اور ملکی مارکیٹوں میں سونے کی قیمتوں میں آج ایک بار پھر کمی دیکھی گئی ہے۔ عالمی مارکیٹ میں کاروباری سیشن کے دوران فی اونس سونا 10 ڈالر سستا ہوا، جس کے بعد اس کی قیمت کم ہو کر 3 ہزار 970 ڈالر پر آ گئی۔
بین الاقوامی قیمتوں میں کمی کا اثر پاکستان میں بھی نظر آیا، جہاں مقامی صرافہ بازاروں میں فی تولہ سونا مزید ایک ہزار روپے کم ہو گیا اور نئی قیمت 4 لاکھ 19 ہزار 362 روپے ہو گئی۔ اسی طرح دس گرام سونا 857 روپے کمی کے بعد 3 لاکھ 59 ہزار 535 روپے کی سطح پر پہنچ گیا۔
مارکیٹ تجزیہ کاروں کے مطابق حالیہ کمی کا تعلق عالمی معاشی صورتحال اور سرمایہ کاری کے رجحانات میں تبدیلی سے ہے، جس کی وجہ سے طلائی قیمتوں میں اتار چڑھاؤ جاری ہے۔