پاکستان تحریک انصاف (پی ٹی آئی) کے ایم این ایز نے قومی اسمبلی میں ایک قرارداد جمع کرائی ہے جس میں سابق وزیراعظم عمران خان اور پی ٹی آئی رہنما سُہیل آفریدی کی ملاقات کا مطالبہ کیا گیا ہے۔
قرارداد میں مؤقف اختیار کیا گیا ہے کہ سُہیل آفریدی پارٹی کے اہم رہنما ہیں اور انہیں چیئرمین عمران خان سے مشاورت کا حق حاصل ہے، اس لیے ان کی ملاقات فوری طور پر ممکن بنائی جائے۔
قرارداد کے متن میں مزید کہا گیا ہے کہ سیاسی جماعتوں کے رہنماؤں کو اپنے قائد سے رابطہ اور مشاورت کا آئینی و قانونی حق حاصل ہے، اور اس حق پر پابندی جمہوری اصولوں کے منافی ہے۔
پی ٹی آئی نے مطالبہ کیا کہ متعلقہ حکام ملاقات کے لیے درکار انتظامات جلد از جلد مکمل کریں تاکہ پارٹی معاملات پر مشاورت کا عمل بحال ہوسکے۔