وزیر اعلیٰ بلوچستان میر سرفراز بگٹی نے سرکاری ٹیلی ویژن (پی ٹی وی) کے بورڈ میں بلوچستان کی عدم نمائندگی پر شدید برہمی کا اظہار کیا ہے۔
اپنے بیان میں انہوں نے کہا کہ رقبے کے لحاظ سے ملک کے سب سے بڑے اور باصلاحیت صوبے کو پی ٹی وی بورڈ میں مکمل طور پر نظرانداز کیا گیا ہے، جو افسوسناک ہے۔
میر سرفراز بگٹی نے سوال اٹھایا کہ "کیا بلوچستان کے لوگ اللہ کے کمتر بندے ہیں؟" انہوں نے کہا کہ پی ٹی وی بورڈ میں بلوچستان سے ایک بھی نمائندہ شامل نہ ہونا صوبے کے ساتھ ناانصافی ہے۔
وزیر اعلیٰ نے سماجی رابطے کی ویب سائٹ "ایکس" پر ردِعمل دیتے ہوئے کہا کہ نمائندگی کوئی احسان نہیں بلکہ بلوچستان کا حق ہے۔