ریلوے حکام کے مطابق کوئٹہ سے پشاور جانے والی جعفر ایکسپریس کو آج منسوخ کردیا گیا ہے۔ حکام کا کہنا ہے کہ جعفر ایکسپریس کو 12 اور 13 نومبر کے لیے بھی منسوخ کردیا گیا ہے۔
ریلوےحکام کے مطابق گزشتہ روز پشاور سے جعفر ایکسپریس منسوخ کیے جانے کے باعث آج یہ ٹرین کوئٹہ نہیں پہنچ سکی۔
اسی طرح کوئٹہ سے کراچی کے لیے بولان میل بھی گزشتہ روز اور 13 نومبر کو منسوخ کردی گئی ہے۔ ریلوے حکام کے مطابق کراچی سے منسوخ کیے جانے کے باعث بولان میل آج کوئٹہ نہیں پہنچے گی۔
حکام نے مزید بتایا کہ کراچی سے کوئٹہ کے لیے 11 نومبر کو بھی بولان میل منسوخ کر دی گئی ہے۔
ریلوے حکام کے مطابق ٹرینوں کی منسوخی کا فیصلہ آپریشنل وجوہات اور حفاظتی اقدامات کے تحت کیا گیا ہے۔ مسافروں کو متبادل شیڈول سے آگاہ کیا جائے گا۔