مقبوضہ جموں و کشمیر کے دارالحکومت سری نگر میں نوگام پولیس اسٹیشن کے کمپاؤنڈ میں زوردار دھماکا ہوا جس کے بعد شدید آگ بھڑک اُٹھی۔
ابتدائی اطلاعات کے مطابق دھماکے کے نتیجے میں 7 افراد ہلاک اور 27 زخمی ہوئے ہیں جبکہ ہلاکتوں میں اضافے کا خدشہ ظاہر کیا جارہا ہے۔
بھارتی میڈیا کے مطابق پولیس اسٹیشن کے اندر بڑے پیمانے پر تباہی ہوئی ہے۔ کئی گاڑیاں مکمل طور پر جل گئیں جبکہ عمارت کے کچھ حصے کو بھی شدید نقصان پہنچا ہے۔
ابتدائی رپورٹ میں کہا گیا ہے کہ دھماکا ممکنہ طور پر پولیس اسٹیشن میں ضبط شدہ امونیم نائٹریٹ کے پھٹنے سے ہوا تاہم حکام نے واضح کیا ہے کہ واقعے کی تحقیقات جاری ہیں اور حتمی وجہ کا تعین بعد میں کیا جائے گا۔واقعے کے بعد علاقے میں سکیورٹی مزید سخت کردی گئی ہے۔