لوئر دیر پولیس نے سرچ آپریشن کے دوران مغوی لڑکی دعا رحمٰن کو صحیح سلامت بازیاب کر کے والدین کے حوالے کردیا۔
ڈی پی او لوئر دیر تیمور خان نے کارروائی کی براہ راست نگرانی کی اور سرچ آپریشن کی قیادت خود انجام دی۔ پولیس کے مطابق اغوا میں ملوث ملزم تاحال گرفتار نہیں ہوسکا، تاہم اس کی گرفتاری کے لیے کوششیں مزید تیز کردی گئی ہیں اور مختلف مقامات پر پولیس ٹیمیں سرگرم ہیں۔
ڈی پی او تیمور خان نے عوام کے تعاون پر شکریہ ادا کرتے ہوئے کہا کہ ملزم کو جلد قانون کے مطابق گرفتار کرلیا جائے گا۔
تیمرگرہ پولیس کے مطابق گزشتہ روز دوپہر تقریباً ساڑھے بارہ بجے گلو شاہ تیمرگرہ کی دو لڑکیاں گھر سے باہر نکلی تھیں۔ اس دوران نامعلوم موٹر سائیکل سوار نے بازار کے قریب سے دعا رحمٰن کو اسلحلہ کے زور پر اغوا کرلیا، جبکہ دوسری لڑکی نے گھر پہنچ کر اہل خانہ کو واقعے سے متعلق فوری آگاہ کردیا تھا۔