حج 2026 کے لیے سرکاری حج اسکیم کے تحت عازمین کا انتخاب مکمل کرلیا گیا ہے۔
وزارتِ مذہبی امور کے مطابق دوسری اور آخری قسط جمع کرانے کا مرحلہ بھی ختم ہوگیا ہے جس کے بعد ایک لاکھ 18 ہزار منتخب عازمین نے ساڑھے چھ لاکھ روپے کی دوسری قسط جمع کرادی۔
وزارت نے عازمین کی سہولت کے لیے رواں سال حج واجبات یکمشت لینے کے بجائے دو اقساط میں وصول کیے۔ اس کے علاوہ اس مرتبہ درخواستیں قرعہ اندازی کے بغیر پہلے آئے پہلے پائیں کی بنیاد پر وصول کی گئیں جس سے عازمین کی بڑی تعداد کو بروقت رجسٹریشن کا موقع ملا۔
سرکاری حج اسکیم کے تمام مراحل کی تکمیل کے بعد وزارت مذہبی امور نے انتظامات کو اگلے مرحلے میں داخل کرنے کی تیاریاں شروع کر دی ہیں۔