خیرپور کچے کے علاقے میں پولیس اور ڈاکوؤں میں شدید فائرنگ کا تبادلہ جاری ہے۔
ایس ایس پی خیرپور حسن سردار نیازی کی قیادت میں ڈاکوؤں کے خلاف بڑا آپریشن کیا جا رہا ہے، تھانہ برادی جتوئی کی حدود میں ڈاکوؤں سے فائرنگ کا تبادلہ ہوا جس کے نتیجے میں متعدد ڈاکوؤں کے زخمی ہونے کی اطلاعات موصول ہورہی ہیں۔
دو طرفہ شدید فائرنگ کے بعد علاقے میں خوف و ہراس پھیل گیا ہے، جبکہ پولیس کی مزید نفری بھی طلب کرکے گھیرا مزید سخت کرکے ڈاکوؤں کی نقل و حرکت محدود کردی گئی ہے۔
ایس ایس پی حسن سردار نیازی کا کہنا ہے کہ عوام کے تحفظ کے لیے ہر حد تک جائیں گے۔