اسلام آباد کی ڈسٹرکٹ اینڈ سیشن کورٹس میں سابق وزیراعلیٰ خیبر پختونخوا علی امین گنڈا پور کے خلاف شراب و اسلحہ برآمدگی کیس کی سماعت ہوئی جس میں ملزم کی مسلسل غیر حاضری پر عدالت نے سخت برہمی کا اظہار کیا۔
سماعت کے دوران جوڈیشل مجسٹریٹ مبشر حسن چشتی کو بتایا گیا کہ علی امین گنڈا پور آج بھی عدالت میں پیش نہیں ہوئے۔ مسلسل عدم پیشی پر عدالت نے ان کے وارنٹِ گرفتاری جاری کرنے کا حکم دے دیا۔
عدالتی حکم کے مطابق پولیس کو ہدایت کی گئی ہے کہ علی امین گنڈا پور کو گرفتار کرکے 29 نومبر کی آئندہ سماعت پر عدالت میں پیش کیا جائے۔
واضح رہے کہ سابق وزیراعلیٰ کے خلاف شراب اور اسلحہ برآمدگی کا مقدمہ تھانہ بارہ کہو میں درج ہے، جس کی عدالتی کارروائی جاری ہے۔