نیویارک کے نومنتخب میئر زہران ممدانی نے کہا ہے کہ امریکی صدر ڈونلڈ ٹرمپ کے بارے میں ملاقات سے قبل جو کچھ میں نے کہا تھا اس پر آج بھی قائم ہوں۔ ایک انٹرویو میں ممدانی نے واضح کیا کہ وہ صدر ٹرمپ کو پہلے جیسے ہی تنقید کا نشانہ بناتے رہے ہیں اور اپنی رائے میں کسی قسم کی تبدیلی نہیں لائی ہے۔
زہران ممدانی نے بتایا کہ صدر ٹرمپ سے ملاقات میں انہوں نے نیویارک سٹی کے اہم مسائل جیسے امیگریشن، شہری رہائش، معیشت اور سکیورٹی پر تفصیل سے بات چیت کی۔ انہوں نے کہا کہ وہ شہر کو محفوظ رکھنے کی پالیسی پر قائم ہیں لیکن مختلف علاقوں سے امیگریشن حکام کے چھاپوں اور گرفتاریوں کی اطلاعات موصول ہو رہی ہیں۔
واضح رہے کہ زہران ممدانی نے ریپبلکن اور ٹرمپ کے حمایت یافتہ آزاد امیدوار کو شکست دے کر نیویارک کے میئر کا انتخاب جیتا ہے اور وہ یکم جنوری کو اپنا عہدہ سنبھالیں گے۔