کندھ کوٹ میں زورگڑہ کے قریب انڈس ہائی وے کے قریب افسوسناک واقعہ رونما ہوا، زنگ آلود راکٹ پھٹنے سے تین بچے موقع پر ہی جاں بحق جبکہ تین شدید زخمی ہوگئے۔
علاقہ مکینوں کے مطابق جاں بحق بچوں کا تعلق گولا قبیلے کے ایک ہی خاندان سے جنہیں مویشی چَراتے ہوئے قریبی جنگل سے زنگ آلود راکٹ کا گولا ملا تھا جو دھماکے سے پھٹ گیا۔
واقعے کی اطلاع ملتے ہی ڈی ایس پی کی سربراہی میں میڈیکل ٹیمیں بھی جائے وقوعہ پر پہنچ گئی ہیں، جبکہ پولیس نفری نے علاقے کو مکمل طور سیل کر کے سرچنگ کا عمل شروع کردیا ہے۔
ورثا کا کہنا ہے کہ بچے ملنے والے راکٹ کے گولے کو ناکارہ سمجھ کر کھیل رہے تھے کہ اچانک دھماکا ہوگیا۔