میئر کراچی مرتضیٰ وہاب نے اہالیان کراچی کو بڑی خوشخبری سناتے ہوئے گرین لائن کامن کوریڈور کو 31 اکتوبر 2026 تک کھولنے کا اعلان کردیا۔
میڈیا سے گفتگو میں مرتضیٰ وہاب کا کہنا تھا گرین لائن کی تعمیر کے باعث لوگوں کو مشکلات پیش آئیں، لیکن کام مکمل ہونے کے بعد یقیناً سہولت مہیا ہوگی۔
ان کا کہنا تھا کہ منصوبہ شروع کرتے وقت کے ایم سی کو اعتماد میں نہیں لیا گیا تھا، تاہم اب مسائل حل کرنے کے لیے مشترکہ طور پر کام کیا جا رہا ہے، ہم نے وفاق سے منصوبے کے ٹائم لائن کی بات کی تھی، گرین لائن کامن کوریڈور 31 اکتوبر 2026 تک کھول دیا جائے گا۔
میئر نے بتایا کہ حکومت نے ریڈ لائن منصوبے کے مسائل بھی حل کردیے ہیں، اور آئندہ چند روز میں اس پر باضابطہ کام شروع کردیا جائے گا۔
اس موقع پر رہنما ایم کیو ایم پاکستان امین الحق نے میئر کراچی کے دعوے کی تصدیق کرتے ہوئے بتایا کہ میئر نے سڑکوں کی خرابی اور ڈرینیج کے مسائل کی نشاندہی کی تھی، جس پر انہوں نے پی آئی ڈی سی ایل سے بات کی، ان کا کہنا تھا کہ مرتضیٰ وہاب کے تحفظات درست تھے، کراچی ترقی کرے گا تو سندھ اور پاکستان ترقی کرے گا۔