مچھ اور آبِ گم ریلوے اسٹیشنوں کے درمیان پشاور جانے والی جعفر ایکسپریس پر نامعلوم افراد نے فائرنگ کردی۔
ریلوے ذرائع کے مطابق فائرنگ کا واقعہ اس وقت پیش آیا جب ٹرین مقررہ روٹ پر سفر کر رہی تھی۔
ریلوے حکام کا کہنا ہے کہ فائرنگ کے نتیجے میں کسی قسم کا جانی نقصان نہیں ہوا اور تمام مسافر محفوظ رہے۔ واقعے کے بعد سیکیورٹی اداروں نے علاقے کا محاصرہ کیا اور صورتحال کلیئر ہونے پر ٹرین کو دوبارہ پشاور کی جانب روانہ کردیا گیا۔
ریلوے ذرائع کے مطابق جعفر ایکسپریس پیشی ریلوے اسٹیشن پہنچ چکی ہے اور صورتحال معمول پر آگئی ہے۔