ایکسپو سینٹر کراچی میں فوڈ ایگ نمائش کی افتتاحی تقریب ہی منعقد نہ ہوسکی، قومی ترانے اور تلاوت کے بعد جنریٹرز نے اچانک کام کرنا چھوڑ دیا۔
تقریب میں موجود سینکڑوں غیر ملکی مندوبین حیرانگی کا اظہار کرتے ہوئے تقریب سے چلے گئے، ٹریڈ ڈیولپمنٹ اتھارٹی حکام اور نمائش کے منتظمین ایک دوسرے کا منہ دیکھتے رہے۔
ترجمان ٹی-ڈیپ کے مطابق جنریٹرز نے عین وقت پر کام چھوڑ دیا۔
وفاقی وزیر تجارت جام کمال افتتاحی تقریر نہ کرسکے، انھوں نے حکام پر شدید ناراضگی کا اظہار کیا اور بعدازاں وزیر تجارت جام کمال بغیر تقریر کیے نمائش میں لگے اسٹالز کے دورے پر چلے گئے۔