"مرحوم امان للہ کو کسی بے وقوف نے غلط مشورہ دے دیا تھا کہ وہ بہت زیادہ پانی پیا کریں ورنہ ان کے گردے ناکارہ ہوجائیں گے. جس کے بعد وک ہر وقت اپنے ساتھ بڑی والی پانی کی بوتل رکھتے تھے اور بوتل ختم کرنے سے پہلے ہی دوسری بوتل منگوا لیتے تھے. وہ بار بار پانی پیتے تھے جس کی وجہ سے بار بار باتھ روم بھی جانا پڑتا تھا"
یہ کہنا ہے آفتاب احمد کا جنھوں نے ایک نجی چینل میں انٹرویو دیتے ہوئے دوران شو مرحوم امان اللہ کو باتھ روم جانے سے روکنے کا الزام لگنے پر وضاحت پیش کی.
آفتاب احمد نے اپنا موقف پیش کرتے ہوئے کہا کہ حد سے زیادہ پانی پینا بھی گردوں کے لیے نقصان دہ ہوتا ہے اور گردوں پر اضافی بوجھ پڑتا ہے. میں امان اللہ کو سمجھاتا تھا کہ وہ اتنا زیادہ پانی نہ پئیں لیکن کبھی انھیں باتھ روم جانے سے نہیں روکا.
آفتاب احمد نے مزید کہا کہ "میں کون ہوتا ہوں امان اللہ کو واش روم سے جانے سے روکنے والا؟ زیادہ پانی پینے کی وجہ سے امان اللہ کا بار بار واش روم جانا بنتا تھا۔