چینی کے بارے میں ہم اکثر سنتے ہیں کہ اس کے استعمال کے بہت سارے نقصانات ہیں، لیکن کیا ایسا ممکن ہے کہ کسی چیز کے صرف نقصان ہی ہوں؟ بلکل بھی نہیں! کیونکہ چینی کے بھی کئی سارے فوائد ہیں جن کا لوگوں کو علم نہیں۔
آج ہم آپ کو ڈاکٹر بلقیس شیخ کے بتائے گئے چینی کے کچھ ایسے ہی فوائد بتا رہے ہیں، جو آپ کے چہرے، بالوں اور زخموں کو ٹھیک کرنے میں مدد کرسکتے ہیں۔
ڈاکٹر بلقیس نے ایک نہایت ہی آسان مگر مؤثر چینی کا نسخہ اپنے دیکھنے والوں کے ساتھ شئیر کیا ہے، آئیے جانتے ہیں۔
چینی کا نسخہ:
ایک گلاس پانی میں 4 چمچ چینی ملا گر اسے اچھی طرح گھول کر چینی کا پانی بنا لیں اور اسے ایک اسپرے میں ڈال دیں۔
چہرے کی جھریوں کیلیئے:
اگر آپ کے چہرے پر جھریاں یا جھائیاں نظر آرہی ہیں اور آپ اسے دور کر کے گلاس اسکن پانا چاہتی ہیں تو اس چینی کے پانی سے منہ پر اسپرے کریں، اور خوبصورت اور جوان اسکن پائیں۔
بالوں کو کَرل (گھنگھرالے) کرنے کیلیئے:
اگر آپ اپنے بالوں کو کرل کرنا چاہتی ہیں اور کیمیکل والے اسپرے سے بچنا چاہتی ہیں تو اسکے لیئے آپ کو بس یہ کرنا ہے کہ بال کرتے وقت چینی کے پانی سے بالوں پر اسپرے کریں اور انہیں رول کردیں۔ جب بال کرل ہوجائیں تو دوبارہ اسپرے کریں تا کہ وہ ٹھیک رہیں۔
زخموں کیلیئے:
اگر آپ کا بچہ باہر سے کہیں کھیلنے کودنے کے دوران ہونٹ پھاڑ کر آجائے تو ایسے میں آپ فوری طور پر زخم پر چینی لگا دیں۔ اس سے خون بھی رک جائے گا زخم جلد ٹھیک ہوجائے گا۔