تندور کی بنی ہوئی نان کا ذائقہ سب ہی کو پسند ہوتا ہے اور اگر گھر میں بھی ایسا ہی نان بن جائے تو کیا ہی بات ہے۔ جانیں کیسے آپ بھی تندور جیسی نان گھر میں بنا سکتی ہیں وہ بھی اتنی آسانی کے ساتھ۔
ٹپ:
٭ ایک پیالے میں میدہ، خمیر بیکنگ پاوڈر، گارلک پاوڈر، نمک، چینی، دہی اور تیل اچھی طرح مکس کرلیں پھر نیم گرم پانی سے آہستہ آہستہ گوندھیں اور نرم ڈو بنا کر ایک گھنٹے کے لیے رکھ دیں۔
٭ اس کے بعد آپ روٹی کی طرح بیل کر توے پر ڈالیں اور ایک ہاتھ سے روٹی کی اوپر والی تہہ پر پانی لگاکر اچھی طرح پھیلائیں۔ اور اس کے اوپر تل ڈال کر ہاتھ سے پھیلائیں۔
٭ اور توے کو روٹی سمیت اٹھا کر الٹا کرکے روٹی کو سیک لیں۔
٭ اس کے بعد ایک پیالے میں ہرا دھنیا اور مکھن مکس کر لیں اور نان بنا کر اس کے دونوں اطراف دھنیا اور مکھن لگائیں۔
٭ ہوگئی آپ کی تندور جیسی نان گھر ہی پر تیار۔