انسداد دہشت گردی عدالت نے وزیراعلیٰ پنجاب مریم نواز کو نیب آفس حملے کے مقدمے میں بری کردیا۔
2020 میں نیب آفس پر ہونے والے پتھراؤ اور توڑ پھوڑ کے واقعے کی تحقیقات میں ایک اہم پیش رفت سامنے آئی ہے۔ پولیس کی جانب سے عدالت میں جمع کرائی گئی تحقیقاتی رپورٹ میں یہ انکشاف کیا گیا ہے کہ مریم نواز، رانا ثنا اللہ اور دیگر مسلم لیگ (ن) رہنماؤں کے خلاف براہِ راست ثبوت نہیں ملے۔
رپورٹ کے مطابق ویڈیوز، گواہوں کے بیان اور دیگر شواہد کو مدِ نظر رکھا گیا مگر کسی بھی صورت میں مریم نواز یا دیگر رہنماؤں کی براہِ راست ملوث ہونا ثابت نہیں ہو سکا اس بنیاد پر عدالت نے ان پر لگائے گئے الزامات کی اخراجِ رپورٹ منظور کر لی ہے جس کے نتیجے میں ان کے خلاف کارروائی ختم ہو گئی ہے۔
سیاسی تجزیہ کاروں کا کہنا ہے کہ یہ فیصلہ مسلم لیگ (ن) کے لیے ایک بڑی قانونی اور سیاسی کامیابی تصور کی جا رہی ہے جبکہ اپوزیشن کی جانب سے اس رپورٹ پر تنقید کا سلسلہ جاری ہے۔