ورلڈ بینک نے سندھ میں صاف پانی، صفائی اور حفظانِ صحت سے متعلق منصوبوں کے لیے 30 کروڑ ڈالر کی مالی معاونت کی منظوری دے دی۔
ورلڈ بینک کے اعلامیے کے مطابق فنڈز سے سندھ کے دیہی علاقوں میں صاف پانی کی فراہمی اور صفائی و حفظانِ صحت کی سہولیات بہتر بنانے کا منصوبہ شروع کیا جائے گا، جس سے صوبے کے تقریباً 15 لاکھ افراد مستفید ہوں گے۔
اعلامیے کے مطابق منصوبے کے تحت سولر توانائی سے چلنے والے واٹر سپلائی سسٹم بھی نصب کیے جائیں گے، جبکہ بہتر پانی، صفائی اور حفظانِ صحت کی سہولیات سے بچوں میں غذائی کمی اور قد کی کمی کے مسئلے سے نمٹنے میں بھی مدد ملے گی۔