وبائی مرض کورونا وائرس تیزی سے دنیا میں پھیل رہا ہے جبکہ پاکستان میں بھی اس کے خوف کے سبب لاک ڈاؤن کی صورتحال برقرار ہے۔
لاک ڈاؤن کے دوران لوگ اپنے گھروں میں محصور ہیں جبکہ کچھ کا وقت سوشل میڈیا پر گزر رہا ہے۔ لوگ سماجی رابطوں کی ویب سائٹ پر مختلف سرگرمیاں انجام دے رہے ہیں تاکہ ان کا وقت اچھا گزر سکے۔
اسی حوالے سے قومی کرکٹ ٹیم کے کھلاڑیوں کی ایک مزاحیہ ویڈیو وائرل ہوگئی۔ ویڈیو میں وہاب ریاض، حسن علی، شان مسعود اور امام الحق موجود ہیں۔
شان مسعود نے ہیلمٹ پہنا ہوا ہے جبکہ حسن علی انہیں گیند کروا رہے ہیں، امام الحق کیچ پکڑنے کو تیار ہیں۔
کھلاڑیوں کی اس ویڈیو سے لوگ کافی محظوظ ہوئے جبکہ ویڈیو تیزی سے سوشل میڈیا پر وائرل ہو رہی ہے۔