شوبز انڈسٹری کو خیرباد کرنے والے پاکستان کے سابق اداکار حمزہ علی عباسی نے زندگی میں ہونے والی بڑی تبدیلی کے حوالے سے سب کو آگاہ کردیا۔
انہوں نے اپنے سوشل میڈیا اکاؤنٹ ٹوئٹر پر ایک ٹویٹ میں کہا کہ میں پہلے ہر معاملے پر اونچی آواز میں بولتا تھا مگر جب سے اللہ سے نزدیک ہوا ہوں تب سے معاملہ بالکل تبدیل ہوگیا۔
انہوں نے لکھا کہ اب مجھے احساس ہوتا ہے کہ اپنے ادا کئے اور لکھے ہوئے ہر لفظ پر اللہ مجھ سے حساب لے گا۔
واضح رہے کہ حمزہ علی عباسی نے اکتوبر 2019 میں اپنی شادی کے بعد شوبز انڈسٹری چھوڑنے اور اپنی بقیہ زندگی اسلامی طریقے کے مطابق گزارنے کہا فیصلہ کیا تھا۔