پاکستانی سابق فاسٹ بالر شعیب اختر نے ایک لائیو سیشن کے دوران تہلکہ خیز انکشاف کیا کہ سال 2000 میں 6 سینئر پاکستانی کھلاڑی مجھے مارنے کے لیے آئے تھے۔
ان کا کہنا تھا کہ کھلاڑیوں کو مجھ سے یہ مسئلہ تھا کہ لڑکیاں اور میڈیا ہر وقت میرے پیچھے ہی پڑا رہتا ہے، آسٹریلیا کے دورے پر کسی اور کھلاڑی نے لڑکی کی آبرو ریزی کی کوشش کی تھی لیکن میرا نام میڈیا پر آیا۔
شعیب اختر نے کہا کہ پی سی بی کو معلوم تھا کہ یہ کس کھلاڑی نے کیا ہے لیکن میڈیا کے سامنے انہیں نہیں لایا گیا۔
کرکٹر کا مزید کہنا تھا کہ میری 15 سالہ کیرئیر میں کسی سے بھی لڑائی نہیں ہوئی، صرف ایک مرتبہ میں نے غصے میں آکر محمد آصف کو بلا مار دیا تھا، آج مجھے لگتا ہے کہ ایسا نہیں ہونا چاہیے تھا۔