پاکستان کے لیجنڈری کرکٹر اور ہم سب کے پیارے لالا بھی کورونا وائرس کا شکار ہوگئے تھے جس کے بعد انہوں نے خود کو گھر میں ہی قرنطینہ کر لیا تھا۔
گزشتہ چند روز سے شاہد آفریدی کے حوالے سے کچھ افواہیں گردش کر رہی تھیں کہ ان کی طبیعت بگڑ گئی ہے جبکہ اب لالا نے فیس بک پر بذریعہ ویڈیو اپنا پیغام جاری کیا جس مین ان کا کہنا تھا کہ اب میں پہلے سے بہت بہتر ہوں۔
شاہد آفریدی نے کہا کہ اس بیماری کو سر پر زیادہ سوار کرنے کی کوئی ضرورت نہیں ہے، دن میں دو سے تین بار ادرک کی چائے پئیں، اسٹیم لیں اور جتنا ہو سکے گھر میں ہی رہیں۔
لالا نے اپنی صحتیابی کے لیے دعا کرنے پر مداحوں کا شکریہ ادا بھی کیا۔ لالا کا ویڈیو میں مزید کیا کہنا تھا، ملاحظہ کیجیے۔