قرآن پاک ہماری مقدس ترین کتاب ہے جس میں زندگی سے لے کر موت تک کے ہر
معاملے میں خدا کی طرف سےانسانوں کی رہنمائی فرمائی گئی ہے۔ قرآن پاک کو اللہ تعالی نے آخری بنی الزماں حضرت محمد پر نازل فرمایا اور جس مقامِ اقدس پر نازل فرمایا وہ ہے جبلِ نور۔۔۔۔
جبلِ نور ہمارے لیئے ایک اہم اہمیت کا حامل مقام ہے جس سے متعلق چند ایک باتیں آج آپ کو بھی بتاتے ہیں:
اہم معلومات:
• جبلِ نور مکہ مکرمہ کے مشرق میں ساڑھے چار کلومیٹر کے فاصلے پر واقع ہے۔
• اس پہاڑکو ''روشنیوں کا پہاڑ'' کہا جاتا ہے۔
• یہاں حضرت محمد صلی اللہ علیہ وآلہ وسلم دن و رات کے پہر عبادات کیا کرتے تھے۔
• قرآن مجید کی پہلی وحی بھی اسی پہاڑ پر نازل ہوئی۔
• یہ پہاڑ مکہ سے طائف جانے والے راستے پر واقع ہے۔
• سطح سمندر سے اس پہاڑی کی بلندی 639 میٹر ہے۔
• جبل نور کی چوٹی نوکیلی نہیں۔ اس کے دامن میں نصف کلومیٹر تک راستہ ہموار ہے اور آگے چڑھائی شروع ہو جاتی ہے۔ اوپر چڑھنے کا راستہ مشرقی سمت سے ہے اور چکر کھاتے ہوئے اوپر جاتا ہے۔
• یہاں کا موسم اکثر معتدل رہتا ہے۔