ایم کیو ایم پاکستان کے سینئر رہنما اور سابق صوبائی وزیر عادل صدیقی کا کراچی میں انتقال ہوگیا۔
تفصیلات کے مطابق عادل صدیقی گزشتہ کچھ دنوں سے کورونا وائرس میں مبتلا تھے اور کراچی کے نجی اسپتال میں زیرِ علاج تھے جبکہ ترجمان نجی اسپتال کے مطابق عادل صدیقی کو پھیپھڑوں کا مرض بھی لاحق تھا۔
خیال رہے کہ متحدہ قومی موومنٹ پاکستان کے کنوینر ڈاکٹر خالد مقبول صدیقی نے عادل صدیقی کے انتقال سے قبل اُن کی صحت یابی کے لئے خصوصی دعاؤں کی اپیل کی تھی۔
اُنہوں نے عادل صدیقی کی بیماری پر گہری تشویش کا اظہار کرتے ہوئے کہا تھا کہ ''مشکل کی اس گھڑی میں ایم کیو ایم پاکستان، عادل صدیقی کے اہلِ خانہ کے ساتھ کھڑی ہے''۔