امریکی صدر ٹرمپ کی بیٹی ایوانکا نے نو منتخب صدر جو بائیڈن کی تقریبِ حلف برداری میں شرکت کا اعلان کر دیا۔
امریکی میڈیا کے مطابق ڈونلڈ ٹرمپ کی بیٹی ایوانکا ٹرمپ نے جو بائیڈن کی تقریبِ حلف برداری میں شرکت نہ کرنے کے فیصلے کی مخالفت کر دی اور خود نو منتخب صدر جو بائیڈن کی تقریبِ حلف برداری میں شرکت کرنے کا فیصلہ کر لیا۔
تاہم امریکی صدر ڈونلڈ ٹرمپ نے اپنی بیٹی کے اس فیصلے کو بد ترین اور مضحکہ خیز قرار دیتے ہوا اظہارِ برہمی کیا۔
دوسری جانب کیپیٹل ہِل پر پُر تشدد احتجاج کے بعد ایک بار پھر نو منتخب صدر کی تقریبِ حلف برداری میں احتجاج کا بھی خدشہ ظاہر کیا جا رہا ہے۔
واضح رہے کہ امریکی ایجنسی ایف بی آئی نے خبردار کیا ہے کہ واشنگٹن سمیت امریکا کی پچاس ریاستوں میں احتجاج ہو سکتا ہے۔
یاد رہے کہ نومنتخب امریکی صدر جو بائیڈن 20 جنوری کو حلف اٹھائیں گے۔