بھارت کی 80 سالہ خاتون نے اپنی سالگرہ یادگار بنانے کے لیے 10 ہزار فٹ کی بلندی سے چھلانگ لگا دی۔
ڈاکٹر شردھا نے اپنی 80 ویں سالگرہ منفرد انداز میں منانے کا فیصلہ کرتے ہوئے 10 ہزار فٹ بلندی سے اسکائی ڈائیونگ کی۔
بھارتی میڈیا کے مطابق خاتون کا نام ڈاکٹر شردھا چوہان ہے جنہوں نے اسکائی ڈائیونگ کرکے ثابت کردیا کہ شوق کے لیے عمر کی کوئی قید نہیں ہوتی۔
میڈیا رپورٹس کے مطابق خاتون کے لیے یہ لمحہ اس لیے بھی یاد گار رہا کیونکہ انہوں نے اسکائی ڈائیونگ اپنے بیٹے کے ہمراہ کی جو سابق فوجی اور پیشے کے اعتبار سے اسکائی ڈائیونگ ٹرینر ہے۔
ڈاکٹر شردھا کے منفرد انداز میں سالگرہ منانے کے بعد وہ بھارت کی عمر رسیدہ اسکائی ڈائیونگ کرنے والی خاتون بن گئی ہیں۔