دنیا کی امیر ترین اور کامیاب ترین شخصیت بِل گیٹس کون سا موبائل فون استعمال کرتے ہیں انہوں نے بتا دیا۔
تفصیلات کے مطابق ٹیکنالوجی کمپنی مائیکروسافٹ کے بانی بل گیٹس نے کہا ہے کہ وہ اینڈرائیڈ فون کا استعمال کرتے ہیں، انہوں نے اینڈرائیڈز کی خاصیت بیان کرتے ہوئے کہا کہ 'یہ موبائل فونز استعمال کرنا میرے لئے آسان ہوتا ہے کیونکہ ان میں مائیکروسافٹ کے سافٹ ویئرز ہی انسٹال ہوتے ہیں'۔
بِل گیٹس کا کہنا تھا کہ 'اس کے علاوہ اینڈرائیڈز فونز کے اندر دیگر سافٹ وئیر بھی آسانی سے انسٹال ہو جاتے ہیں جن سے صارفین کو کم پریشانی کا سامنا کرنا پڑتا ہے'۔
انہوں نے مزید کہا کہ 'میں آئی فونز بھی استعمال کرتا ہوں لیکن میری فوقیت ہمیشہ اینڈرائیڈز فونز ہی ہوتے ہیں، انہوں نے بتایا کہ میرے کئی دوست آئی فونز ہی استعمال کرنا پسند کرتے ہیں'۔