پاکستان قومی کرکٹ ٹیم کے آل راؤنڈر اور کراچی کنگز کے کپتان عماد وسیم کے گھر بیٹی کی پیدائش ہوئی ہے۔
بیٹی کی پیدائش کی خبر کرکٹر نے ٹوئٹر پیغام کے ذریعے دی ہے، اپنے پیغام میں انہوں نے لکھا کہ اللہ کے فضل و کرم سے ہمارے ہاں بیٹی کی پیدائش ہوئی ہے۔
بیٹی کے نام کے حوالے سے عماد وسیم نے بتایا کہ نومولود کا نام انہوں نے سیدہ عنایہ عماد رکھا ہے۔ اپنے پیغام میں کراچی کنگز کے کپتان عماد وسیم نے بیٹی کو دنیا میں خوش آمدید بھی کہا۔
واضح رہے اگست 2019 میں عماد وسیم پاکستانی نژاد برطانوی لڑکی ثانیہ اشفاق سے نکاح کے بندھن میں بندھے تھے۔