کچھ روز قبل یہ خبر سامنے آئی کہ قومی کرکٹ ٹیم کے فاسٹ باؤلر شاہین شاہ آفریدی کی بات لالا یعنی شاہد آفریدی کی بیٹی سے طے پا گئی ہے جس کی تصدیق بعدازاں لالا نے خود بھی سوشل میڈیا پر کی۔
تاہم بات پکی ہونے کی خوشی میں منائے جانے والے جشن کے باعث شاہین آفریدی کے بھائی مشکل میں پھنس گئے۔ ہوا کچھ یوں کہ شاہین آفریدی کے کزنز اور بھائیوں کی جانب سے منگنی کی خوشی میں لنڈی کوتل میں بھرپور ہوائی فائرنگ کی گئی جس سے پورے علاقے میں خوف و ہراس پھیل گیا۔
شاہین آفریدی کے بھائیوں کی ہوائی فائرنگ کی ویڈیو بھی سامنے آئی تاہم اب یہ امکان ظاہر کیا جا رہا ہے کہ انہیں قانونی کارروائی کا سامنا کرنا پڑے گا۔
اس حوالے سے شاہین آفریدی کے بھائی کا کہنا ہے کہ خوشی کے موقع پر ہوائی فائرنگ کوئی جرم نہیں ہے جبکہ ضلعی انتظامیہ کا کہنا ہے کہ قانون کے مطابق کارروائی ہوسکتی ہے۔