آپ نے اکثر لوگوں کو اللہ پاک سے مختلف منتیں مانگتے دیکھا ہو گا لیکن گجرانوالہ کے اس خاندان نے بیٹے کے پیدا ہونے سے پہلے انوکھی منت مانگی۔
تفصیلات کے مطابق پنجاب کے ضلع گوجرانوالہ کے خاندان نے منت مانی تھی کہ بیٹے کی پیدائش ہوگی تو سب سرمنڈوائیں گے اور جب بیٹے کی پیدائش ہوئی تو سب نے اپنے سر منڈوا بھی لیے۔
بچے کے باپ عثمان نے منت مانی تھی کہ بیٹے کی پیدائش ہوگی تو سر منڈوائیں گے اور دس ماہ قبل دو بیٹیوں کے بعد بیٹے کی پیدائش ہوئی تو عثمان اور ان کے بھائیوں سمیت گھر کے سب بچوں نے سر منڈوایا۔
دس ماہ سے خاندان کے سبھی افراد سر منڈوا رہے ہیں اور ان کا کہنا ہے کہ منت مانی ہے کہ بچوں کی سالگرہ تک سر پر بال نہیں آنے دیں گے۔
ان لوگوں نے ایک حجام مقرر کیا ہے جو ہر 15 دن میں آکر سب کو گنجا کر دیتا ہے۔