تقریبا تمام طبی ماہرین لوگوں کو سیب کھانے کا مشورہ دیتے ہیں کیونکہ یہ پھل آپ کی صحت کے لیے انتہائی مفید ہے۔
سیب کا چھلکا اور گودا دل کی بیماری، پھیپڑوں کے کینسر اور ایستھما جیسے مختلف امراض کے روکنے اور علاج میں مدد فراہم کرتا ہے۔ خصوصاً سیب کے چھلکے میں موجود ٹریٹرپینوائڈز مختلف اقسام کے کینسر سے لڑنےکی طاقت رکھتے ہیں۔
لیکن کہیں آپ سیب کھانے کے ساتھ اس کے بیج تو کھالیتے؟
اگر آپ ایسا کرتے ہیں تو ہم آپ کو بتاتے چلیں کہ ایسا ہرگز نہ کیجیے۔
طبی ماہرین کا کہنا ہے کہ سیب کے بیج زہریلے ہوتےہیں اور ان میں سائینسائڈ موجود ہوتا ہے۔ اگر آپ ایک وقت میں سیب کے تقریباً 200 بیجوں کو چبائیں اور کھا جائیں تو یہ اسی وقت جان لیوا ثابت ہوسکتے ہیں۔
لیکن اگر ان کو صحیح مقدار میں لیا جائے تو ان کا زہر ختم ہوجاتا ہے۔
سیب کے بیج کی مناسب مقدار سائینائڈ کے نقصان سے محفوظ رکھ سکتی ہے اور وٹامن (بی-17) کینسر اور ٹیومر کی نشونما کو روکتا ہے، ساتھ ہی اس میں ضروری خلیات کو چھوڑ کر کینسر پیدا کرنے والے خلیات کو ختم کرنے کی صلاحیت بھی موجود ہوتی ہے۔