بالی ووڈ کی معروف اداکارہ اور سیف علی خان کی بیٹی سارہ علی خان کی جانب سے ایک ویڈیو شئیر کی گئی ہے جو بہت وائرل ہو رہی ہے۔
اداکارہ نے سماجی رابطے کی ویب سائٹ انسٹاگرام اپنے اکاؤنٹ سے ایک ویڈیو جاری کی ہے جس میں دیکھا جاسکتا ہے کہ سارہ علی خان کی ناک پر زخم اور خون موجود ہے۔ اداکارہ نے ویڈیو کیپشن میں لکھا ہے کہ ’اماں ابا، ناک کاٹ دی میں نے۔
سارہ علی خان کے ویڈیو پوسٹ کرنے کے فوراً بعد مداحوں کی جانب سے تبصرے آنا شروع ہو گئے جس میں وہ ان سے یہ پوچھتے نظر آرہے ہیں کہ آپ نے اپنی ناک کیوں کاٹ لی۔ جبکہ متعدد پرستار اداکارہ کی جلد صحت یابی کے لیے دعاگو ہیں۔
اداکارہ سارہ علی خان کی ناک کاٹنے کی وجہ معلوم نہیں ہوسکی ہے۔
خیال رہے سارہ خان اپنے انسٹاگرام اکاؤنٹ پر اکثر متحرک نظر آتی ہیں اور آئے روز اپنی مختلف ویڈیوز بنا کر مداحوں کے ساتھ شئیر کرتی رہتی ہیں۔