پاکستان کے معروف گلوکار اور پی ٹی آئی کے میمبر ابرار الحق کی جانب سے مشہور گانے بے بی شارک کی طرز پر ایک گانا ریلیز کیا گیا ہے جو سوشل میڈیا پر کافی وائرل ہو رہا ہے ور سوشل میڈیا صارفین گانے کو سن کر مزاحیہ تبصرے کر رہے ہیں۔
انہوں نے گانے کا نام بے بی شارک سے تبدیل کر کے بیگم شک کرتی ہے کر دیا جس کے بعد پاکستانی عوام کی دلچسپی اس گانے کو لے کر مزید بڑھ گئی ہے۔
گلوکار ابرا ر الحق نے اپنے گانے میں اداکارہ صبا قمر کو کاسٹ کیا ہے جنہیں ایک شکی بیوی کے روپ میں دکھایا گیا ہے۔ ابرار الحق نے اس گانے کو "رن مریدوں" کے نام کیا ہے۔
گانے کی ویڈیو ملاحظہ کیجیے۔
یاد رہے کہ " بے بی شارک" وہی گانا ہے جس پر وزیر اعظم کے سامنے ایک تقریب میں ابرارالحق نے کڑی تنقید کرتے ہوئے اسے بچوں کا مستقبل خراب کرنے کی سازش قرار دیا تھا۔