جہاز کو اڑتا دیکھ کر بہت سے لوگوں کے دل میں اس کے سفر کی خواہش پیدا ہوتی ہے۔ مذاق ہی مذاق میں کچھ لوگ جہاز کے پہیے پر لٹک کر سفر کرنے کی باتیں بھی کرتے ہیں لیکن ایک شخص نے حقیقت میں ایسا کرڈالا۔
سی این این کے مطابق ہالینڈ میں ٰایک شخص سامان لے جانے والے (کارگو) جہاز کے پہیے میں چھپ کر جنوبی افریقا سے ہالینڈ پہنچ گیا۔ پولیس اور جہازی عملےکا کہنا ہے کہ وہ اس شخص کی اتنی بلندی، تیز ہوا اور سردی میں سفر کرنے کے بعد بھی زندہ پہنچنے پر حیران ہیں۔ فی الحال اس شخص کو اسپتال میں داخل کروادیا گیا ہے جہاں اس کی حالت خطرے سے باہر بتائی جارہی ہے۔ ہالینڈ کی پولیس کے مطابق ٹھیک ہوجانے کے بعد اگر اس شخص کو علاج یا پناہ کی ضرورت ہوئی تو اسے دی جائے گی۔