دانتوں کے بیچ گیپ آگیا ہے؟ تو جانیے آج کل ڈاکٹر کون سا سستا ٹریٹمنٹ کر رہے ہیں؟

دانتوں کے درمیان اکثر لوگوں کے فاصلہ ہوتا ہے جو کچھ لوگوں کا تو وقت کے ساتھ خود بخود بند ہو جاتا ہے لیکن کچھ لوگوں کو اس گیپ کو بند کروانے کے لیے ٹوتھ فلر ٹریٹمنٹ کروانا پڑتا ہے۔ یہ ٹوتھ فلر ٹریٹمنٹ مختلف دندان ساز اپنے حساب سے کرتے ہیں اور ان کی مختلف قیمت ہوتی ہے۔ دراصل ٹوتھ فلر گیپ دانتوں کے درمیان اس فاصلے کو ختم کرتا ہے۔ جس کے لیے اینیمل شیٹ اور فلورائیڈ کا مکسچر استعمال کیا جاتا ہے ساتھ ہی ساتھ اس میں کچھ مذید دوائیاں شامل کی جاتی ہیں اور دانتوں کو اس طرح تراش خراش کیا جاتا ہے جیسے وہ واقعی آپ کے حقیقی دانت ہوں۔ اس ٹریٹمنٹ سے دانتوں کی چمک بھی بڑھ جاتی ہے اور ان کی سفیدی بھی بحال ہو جاتی ہے۔ یہ ایک بڑا واضح فرق ہوتا ہے۔ مختلف لوگ خوبصورت دکھنے کے لیے بھی یہ فلر ٹریٹمنٹس کرواتے ہیں۔ اداکارائیں بھی اپنی خوبصورتی کو بڑھانے کے لیے ٹوتھ فلر اور ٹوتھ گیرڈنگ کرواتی ہیں۔ اگر قیمت کے حوالے سے بات کی جائے تو 2 سے 5 ہزار کے درمیان ایک گیپ فلر بآسانی لگ جاتا ہے لیکن یہ ایک اچھے ڈینٹسٹ سے کروانا چاہیے کیونکہ بعد ازاں ٹریٹمنٹ دانتوں میں سوجن بھی ہو جاتی ہے۔